Madonna tu mi fai
Madonna tu mi fai lo scorrucciato
che t'aggio fatto che 'ngrifi la cera.
Anema mia, chesta n'è via
de contentar 'st'affannato core.
Me par che m'habbi in tutto abbandunato,
ca non t'affacci all'ora della sera.
Anema mia, chesta n'è via
de contentar 'st'affannato core.
Va' figlia mia, che ci aggio 'ndivinato
ca saccio con chi giochi a covallera
Anema mia, chesta n'è via
de contentar 'st'affannato core.
Donna, caro mio ben, dolce signora
habbi pietà d'un chi te solo adora.
Anema mia, chesta n'è via
de contentar 'st'affannato core.

Il mattacino
Don Luì, Don Luì dill'a me si vuò muri',
dill'a me si vuò muri'
ca 'o tavuto nce 'o facc''ì.
E nce 'o faccio de legno de noce
'ncoppa ce metto 'na bella croce
sott''a croce ca te 'nzerra
sette palme sotto terra...
Trenca trenca trenca
baccalà sarache e arenga,
si tu arenga me vuò da',
ih che bella carcioffolà...
'A mugliera 'e mastu Percuoco
jeva vestuta de fronne de fiche
jeva vestuta de fronne de fiche,
zucchete zucchete e passa la zita.
E la zita e la zetella
e la figlia de Pulecenella,
e la figlia de Pulecenella
s'è scusuta la gonnella.
La gonnella e lu jeppone
ben venuto lu cusetore,
ben venuto e ben truvato
ricco buono e maretato!
E lu mare lu mare lu mare
mastu Peppe che t'aggia dare,
addimmann''a la zì Teresa
cu' sei carline si face la spesa?
E pruvito de mastu Peppe
allariammillo 'stu curpetto,
allariammillo pe' nu poco
mastu Peppe ca m'affoco!
Ienne vennenno mellune cuglienno
addenocchiune cuglienno mellune!
Dint''a 'na senga 'e pertuse de mura
ce steva 'na cimma de vruoccole crure.
Ih quant''è bella Napule pare 'nu franfellicco,
ognuno vene allicca, arronza e se ne và!
Ndan dan dan dan, zuccute zuccute e lariulà
Ndan dan dan dan, zuccute zuccute e lariulà...
A mare nun ce so' tanta fravaglie
pe' quanta ne frezzèa chist'uocchie belle...
E mannaggia e mò e mò,
mò me faccio 'nu cuorno mò!
Statte zitta 'nun ghiastemmare
ca te jetto pe' tutte li grare,
si t'afferro pe' li capille
te ne conto cchiù de mille.
E lu mare sette e otto
nenna mia fatte cchiù sotto,
e lu mare nove e dieci
biat''a mammeta ca te fece.
Pascariello jesce e torna
'a mugliera l'ha fatto 'e corna,
quanno passa p''o Pennino
l'abbuttammo 'e mandarine,
quanno passa p''o mercato,
l'abbuttammo 'e cannunate,
quanno passa abbasci''o puorto,
l'abbuttammo 'e chi t''è muorte.
'A femmena è comme a 'na vrasera,
s'appiccia e pò s'aùsa quann''è a sera.
Ndan dan dan dan, zuccute zuccute e lariulà
Ndan dan dan dan, zuccute zuccute e lariulà
Ndan dan dan dan, zuccute zuccute e lariulà
Ndan dan dan dan, zuccute zuccute e lariulà...

De la crudel morte de Cristo
De la crudel morte de Cristo
ogn'hom pianga amaramente.
Quando Juderi Cristo pigliaro,
d'ogni parte lo circumdaro,
le sue mani strecto legaro,
como ladro villanamente.
A la colonna fu spoliato,
per tutto 'l corpo flagellato,
d'ogne parte fu 'nsanguinato,
como falso amaramente.
De la crudel morte de Cristo
ogn'hom pianga amaramente.
Tutti gridaro alta voce,
moia il falso moia il veloce,
sbrigatamente sia posto in croce,
che non turbi tutta la gente.
Nel suo volto li sputaro,
e la sua barba sì la pelaro,
facendo beffe li imputaro
che Dio s'è facto falsamente.
De la crudel morte de Cristo
ogn'hom pianga amaramente.
San Jovanni lo vangelisto,
quando guardava suo maiestro,
vedielo 'n croce molto era tristo,
et doloroso de la mente.
Mo l'era triste Santa Maria
quando suo figlio en croce vedea,
con gran dolore forte piangea,
dicendo : trista,lassa,dolente.
De la crudel morte de Cristo
ogn'hom pianga amaramente.

La 'Ndrezzata
'Ncoppa Santu Nicola alleramente
'a tutto 'o munno corre tanta gente,
chi cu chitarra e chi cu mandulino
vanno a vedé lu sole a la matina.
'Ncoppa Santu Nicola
è 'na bellezza oinè
e quanno sponta 'o sole
so' cose 'a stravede'.
M'aggio truvato 'a nenna all'Epomeo
e ll'aggio spiata si vò fa' ll'ammore
e m'ha risposto bella e appassiunata
ma vallo a dire a lo mio genitore.
'Ncoppa Santu Nicola è 'na bellezza oinè
e quanno sponta 'o sole so' cose 'a stravede'.
(recitato) : "Io vengo da monte Cupo
per darvi un gran saluto.
Io vengo da Tarantiello
cu 'na lanza e 'nu spurtiello.
Noi siamo tre fratelli
tre valenti marenari:
uno si chiama Gennaro
pesca triglie e calamare
'nato se chiamma Vicienzo
e pesca senza licenza ;
scusate signori miei
mio patre m'ha miso a nomme Pulletrone
pecché tengo sempre 'mmano 'stu bastone!
'Nu juorno me jevo passanno pe' lu mare
veco 'nu cefalo ca s'appiccecava cu 'nu calamare.
Cu la lanza lu lanzaje
cu lu cuoppo lu cuppaje
e dinto a lu vuzzo lu menaje.
Me trovo passanno pe' Santa Lucia
tutte me diceno: - Uh che cefalo 'ncuscienza mia!
- 'U gabbellotto rummannette 'ncantato:
- Comme, 'stu cefalo accussì gruosso 'e piscato?
- Veco 'nu calabrese
da tanto luntano
cu quatto rane 'mmano
vuleva fa' 'a spesa:
scusate signori miei,
io cu quatto rane ce posso passa'?
Nossignore!
Me vene 'a bile p''a testa
metto 'a mano 'int''a sacca,
caccio 'o curtiello
e dongo 'na botta a 'stu cappiello.
'O cielo m'ha aiutato
'o cappiello nun s'è sfunnato.
... Alice! Alice!
'St'uocchie tuoje so' ddoje curnice,
si saglio 'ncoppa mammeta che me dice?
Saglie... saglie... ca sì 'o padrone d''a casa!
Io pe' ve fà vede' ca songo 'nu valente marenaro,
dongo 'o divertimento a 'sti signuri e me ne vaco!" (fine recitato)
Trallera trallera
tirirà llirà llallera
trallera trallera
tirirà tirirà llallera
e tirà llirà llallera
trarialill'ariarillallà.
Tu vide comme sfila
'stu vuzzo 'ncoppa all'acqua
oinè che t'aggio fatto
ca nun ce vulimmo cchiù.
La lana che ne faje?
a freva te fa'venire,
'nu matarazzo 'e stoppa
cchiù frisco te fa' sta'!
'Ntunino e Nabbulione
s'ha fatto llu dagone
s'ha fatto llu ddaghino
'Ntunino e Giacumino.
Uno ddoje e treje
quatto cinche seje sette e otto.
Nun saccio che vurrisseve
'nu lietto de viole,
ma mò n' è tiempo ancora
e cuntientate pe' mò...
E mastu Raffaele
era 'nu capo fumatore
pe' s'appiccià 'na pippa
ce metteva cchiù de 'n'ora...
Ellà llà llà
sempe chesto saje fa'.
Sì mastu Raffaele
e nun te ne 'ncarica'!
Sfacciata, petentosa
ca ce lo dico a mammeta
e cu 'n'ata vernia 'e sposa
e zengariello e llariulà...
'Sta povera vicchiarella
tu vide comm'è ridotta
e sotto a ll'aria strutta
nun pò cchiù cumpare'...
Quanno me cocco 'a sera
m'abbraccio a 'stu cuscino
e quanno è 'a matina
sempe penzanno a te.
Moglierema ca m'è morta
era 'nu piezzo 'e femmenone
teneva 'e cosce storte
s''e vuleva adderezza'...
Pitidum tidum tindera
apitidum e apintindera...
'Ndandà 'ndandà 'ndandera
aritreia aritré.
Annita fate presto,
raccogli la mappata
la barca è preparata
e bisogna di parti'!
'U ttreja 'u ttreja 'u ttreja
Moglierema che m'è morta
era 'nu piezzo 'e femmenone,
teneva 'e cosce storte
s''e vuleva adderezza'.
Purtualle lisce e musce
e lummeciello pe' sceria'
si 'a monaca jesce e trase
acquasanta piglia e vasa.
Figlia mia fa' orazione
e peccata nun ne fa'
si avisse 'nu buono 'uaglione
già facesse orazione.
Figlia mia fa' penitenzia
e peccata nun ne fa'.
Padre mio, so'fiacche 'e sense
e penitenze nun pozzo fa'.
Si t'assitte 'o scannetiello
ce schiammo 'o libbreciello
uva e bà, uva e bà
zi' masto mio che t'aggia fa'?
Si veniva l'anno passato
teneva astipata 'na scartellata
che puozz'essere scannata
juste pe' 'a tene' astipata
'U ttreja 'u ttreja 'u ttreja...

La serpe a Carolina
Carulì si m'amave n'ato anno,
quanta cose c'avive da me,
ma sì pazza e già tutte lu sanno
statte bona e guvernate oinè.
'Nu vurzone de doppie de Spagna
lu tenevo io apposta pe' te,
ma scuperta s'è già la magagna
statte bona e guvernate oinè.
Carammanico cchiù de sett'anne
cuffiato fuje buono da te,
ma sì zoccola e tutte lu sanno
statte bona e guvernate oinè.
Cu l'arsenico tu lo sciusciaste
munzù Attuono accussì cuntentaste,
mò ca saccio ca tutte lu sanno
statte bbona e guvernate oinè.

Cantà a 'ffigliola
Salutammo apprimma 'sta bannera
e doppo tutte quante ce n'esistono
'int''a 'sta bella cummertazione.
Vulessemo sape'
o mille setteciento uttantacinche
o tridece d'aprile che ghiuorno era,
e comme se chiamava
'o primmo cantatore
ca ce ha dettata 'a legge 'e stu
"cantà 'a figliola"...
Vuie m'avite sfidato pe' sape'
o mille setteciento uttantacinche
o tridece d'aprile che ghiuorno era
e 'ì ve risponno ca era venerdì
e 'o primmo cantatore
si vuie nun 'o sapite fuie
Tore 'e Valanza
poi Tore 'e Segretario
e mò prisentemente
chillo ca ve stà 'e fronte
che ha miso sempe 'a coppa
pe' tutt''e feste e p''o
"cantà 'a figliola"...
Fronn''e limone
don Giuvann'''ì sto a servirve pe' canta',
però v'avverto cantate bbuono,
si no sò guaie!
Cucuzzielle!
Femmene belle nun 'nzerrat''e porte
aniello d'aniello,
ca ccà nun stà cantanno 'o lupo vermenaro,
don Tatunniello io pe' canta' ve dongo 'a morte
ve facesse addeventa'
propetamente 'a mazza d''o craparo.
Chine 'e pepe 'e jammere!
E comm'è 'st'evera a palelle
ma comme se magna chest''nzalata,
mentre nuie cantammo 'e cose belle,
smucculiammo 'e cannelotte p''e 'nnammurate.
S'è apierto 'o cielo e 'a terra
fronn''e limone,
'a dinto ce songo asciute tre angele 'ncurunate.
Don Tatunniè nun ghiammo cchiù bbuono
aggio capito ca state ascenno 'a fora d''o semmenato.
'A fora d''o semmenato nun ghiesco
fronn''e limone,
ca 'a cosa è chiara e regulare,
si me ne vaco 'e capa 'a 'stu carugnone
caccio 'o curtiello piglio e 'o 'mparo!
Ma tu a chi 'mpare
fronn''e limone,
ì' tengo voce a Napule 'nfì a Nola,
si tu sì ommo e no guapp''e cartone
fernimmo a legge 'stu
"cantà 'a figliola!"...

Ballo di sfessania
Uno doie tre quatto
cinche sei sette otto.
O Lucia, Lucia,
Lucia, Lucia mia...
Stiennete accostate 'nzeccate ccà,Lucia.
Vide stu core ca ride ca sguazza
aùza sto pede ca zompe canazza.
Cuccurucù rota mò sù
veco ca sauto ca giro ca zompo
'nnante che scompo.
Sauta Lucia ca zompo io da ccà, Lucia
Uh che te scuosse e pernovallà, Lucia.
Uno doie tre quatto
cinche sei sette otto.
O Lucia ah Lucia
Lucia, Lucia mia...
Cocozza de vino me sa, Lucia...
Vide tubbella ca tutto me scolo
siente ca corro ca roto ca volo.
Cuccurucù rota mò sù
Cuccurucù...
Sauta Lucia ca zomp''io da ccà, Lucia
'ngritta ca 'ngritta e cuccurusà, Lucia.
Uno doie tre quatto
cinche sei sette otto.
O Lucia ah Lucia
Lucia, Lucia mia...
Tubba tubbella e ndandarandà, Lucia.
'Ngritta ca 'ngritta e cuccurusà, Lucia.
Tu ca te scuosse e pernovallà, Lucia.
Tubba catubba e nanianà, Lucia.
O Lucia ah Lucia
Lucia, Lucia mia...
Curnuta,canazza...

O vecchia
O vecchia tu che guardi 'sti zitelle
te voglio dire la mia fantasia
o vecchiarella mia
biata a tene o vecchia
godere t'apparecchia
si fai piacere a me,
si fai cuntent''a me.
E si me fai la 'razia,o vicchiarella
chesto te dico ca beata a tia
o vecchiarella mia
biata a tene o vecchia
godere t'apparecchia
si fai piacere a me,
si fai cuntento a me.
E si me fai parlare cu 'ssa bella,
dirò che sei la cima della bella
o vecchiarella mia
biata a tene o vecchia
godere t'apparecchia
si fai piacere a me,
si fai cuntent'' a me.
O vecchia tu ca guardi sti zetelle...

Pacchianella d'Uttaiano
De San Giuseppe de 'ncopp''Uttaiano
cu' 'nu papore mò songo arrivate,
cu stu tamburro ca m'aggio purtato,
pe' tutta Napule vogli''abballa'...
Chi vò vedè la zita quanno chiagne neh,
quanno se mette 'mmiez''a tanta gente,
po' và lu sposo 'nce se mette annanze neh,
faccella 'e luna mia statte cuntenta.
Bene mio,mare e core
fà calore e ccà se more,
e si jette 'nu suspiro,
ah,ah... lloco te 'nchiuove!
Mò songo asciuto dalla stazione,
pe' gghì truvanno lu ponte adattato
e mò ca veco ca l'aggio truvato,
quant''ata cose v'aggi''a fà senti'...
Vedite ca è succieso a Uttaiano neh,
'nu prevete ha vasato a 'na figliola,
mentre le steva pe' vasa' la mano neh,
le steva a benneri' cu lu curdone.
Ih che scannalo c''ha dato
lu paese arrevutato.
'A mammella c''a cucchiara,pò pò...
l'ha paliato!
A lu paese 'nce teng''o ciardino,
chest'è la dote pe' lu maretiello,
quanno me spusaraggio Aitaniello,
dint''o ciardino 'o voglio fà sciala'...
Mammeta m'ha chiammato schiavuttella neh,
ì' nun ce songo certo pe' natura,
si me 'nce mengo rint''a funtanella neh,
cchiù ghianca ce addevento comm''a vuie...
Si 'o tenesse nce 'o mettesse
'o cavallo int''a rimessa,
e l'uommene 'o juorno d'ogge mena mè,
sò tutte fesse!...

Tarantella del '600
strumentale (mandolino, mandoloncello, chitarra, percussioni)