Le strade del mare sopra il deserto
Strumentale (chitarra, violino, lira pontiaca, percussioni)

 

Accussì
E aspett''o sole, aspett''o sole, ca vene a scarfa'
tutt''e matine 'o munno sano, e 'o fa sceta'...
Arape l'uocchie è n'atu juorno, juorno 'a cammena',
si primma saglie doppo scinne, ma nun te ferma'...
E' sempe accussì,
si 'a vita te dice sì,
te fa 'ncanta'
cu ppoco e niente...
E quanta gente campa sulamente p'accatta',
e perd''o sole, perd''ammore e chello ca ce sta'...
Si 'o trovo 'nterra l'annasconno pe' n''o ffa' vede'...
dint''a 'na nuvola ca passa 'ì 'o mando a te...
E' sempe accussì,
si 'a vita te dice sì,
te fa' 'ncanta'
cu ppoco e niente...
I' ca me sento 'na figlia 'e chesta musica ccà,
ancora e sempe cchiù forte teng' 'a voglia 'e canta'...
Tutt''e parole d''o munno m'aggio ancora 'mpara',
e tutt''e fatte cchiù belle v'aggio ancora cunta'...
Dicette 'o core 'na matina : " Ammore stong' 'a aspetta'.."
I' rispunnette : " Core mio, voglio sulo canta'.."
Sole tu ca trase dint''a 'sti case.
pure senza nce 'o dicere, tu trase...
'E asciut''o sole, è gioia e ammore...
Senza permesso 'o doce trase...

 

La voce del grano
Statte vicino a mme,
statte vicino a mme,
pe' quanti vote allucco
e nun te faie vede'...
'J comme 'o sape fa',
'j comme 'o sape fa',
t'attacca mane e piede
e nun te fa' zumpa'...
'Nu poco arinto, 'nu poco 'a fòra,
ogne jurnata lassa 'nterra 'o tiempo suoio...
'Nu poco arinto, 'nu poco 'a fòra,
nun ce penzà' ogge o dimmane gir''a rota...
Sienteme bbuono a mme,
sienteme bbuono a mme,
quand'è 'o momento tuoio,
nun t'annasconnere...
Nun'e fa' dicere
ca è sulo cennere,
ca è sulo pòvere,
e 'o ffuoco nun ce sta'...
'Nu poco arinto, 'nu poco a fòra,
si acal' 'e rezze e nun saie chello ca truove,
'nu poco arinto, 'nu poco a fòra,
forse è dimmane ca accummencia 'a gira' 'a rota...
Chest''è 'a voce d''o grano ca nun po' parla',
è grano d'ammore, addore 'ncantato che 'a terra ce da',
s'è 'nnammurato d''o cielo e sta' a aspetta'
si cade 'na stella, 'na stella d'oro pe' s' ammatura'...

 

Gli occhi di Salgado
Senza parla',
senza pute' parla',
zitto cchiù zitto senza fà' rummore...
Tiempo ca vaie,
tiempo ca viene e vaie,
puortame ammore, nun me lassa' sulo maie...
E dimme ancora, tu ce pienze maie, a chill'uocchie
tu ce pienze maie,
quann'è sera primma e t'addurmì' comme faie?
Raggi 'e sole appise 'nfaccia 'o muro,
cchiù ve guardo e cchiù me fà' paura
chistu munno ca se scorda 'e figli 'e nisciuno...
No nun parla',
nun può parla'...
Primm' 'e guarde e po' te ne vaie,
ma 'stu friddo nun te lassa maie,
è 'na mano ca te cerca e te vo' acchiappa'...
E vulesse ca,speranno a Dio, fosse sulo 'nu penziero mio
arrubbato 'na matina 'e vierno mmiez''a via...
Senza parla',
famme sulo guarda',
'na faccia antica ride 'int''e capille tuoie...

 

'O viento
E' 'o viento,
c'asciutta tutt''e panne stise,
è 'o viento,
ca trase 'a notte dint''e case,
è 'o viento,
ca port''e fronne 'ncopp''e piante,
e si t'affacci p''o acchiappa',
scioscia,ride e se ne va'...
Vienetenne 'mbraccio a mme,
nun da' retta siente a mme,
dimme tutto chello ca nun te piace cchiù,
dimme ca ce viene ancora e nun te ne vaie cchiù...
E' 'o viento,
ca saglie 'e scale ogne matina,
è 'o viento,
c'asciutta ll'uocchie 'nfuse 'e suonno,
è 'o viento,
ca è sole dopp''o maletiempo,
e si t'affacci p''o acchiappa',
scioscia, ride e se ne va'...
Vienetenne 'mbraccio a mme,
nun da' retta siente a mme,
dimme tutto chello ca nun te piace cchiù,
dimme ca ce viene ancora e nun te ne vaie cchiù...

 

Lontano da te
Ogni nuttata e po' 'a jurnata,
ogni mumento luntano da te,
me pare n'anno, me pare n'anno,
è tiempo ca nun se ferma addo me...
E' comm' 'a rosa de ciardino
l'ammore quanno me vene 'a sceta',
primma me chiammma po' s'annasconne,
l'ammore quanno me vene 'a sceta'...
E i' me ne moro,
moro pe te,
ma cchiù m'annammoro,
e cchiù staie luntano da me...
Me l'ha ritto 'na stella ca t'aggio aspetta',
n'ato ammore nun aggi''a guarda'...
E ll'addore d''e rose
m''o ffa' arricurda',
core mio te stong''a aspetta',
cchiù d''o sole te stong''a aspetta'...

 

Il carro e la luna
Vulesse fare comme fa' lu gallo nè
primma fa' chicchirichì po' 'a zompa 'ncuollo uè...
Po' vene la padrona de lu gallo nè
e nce vole pure essa la porzione uè...
I' quanno me 'nzuraje ero guaglione nè
e comme me piaceva la mogliera uè...
La primma sera ca me ce cuccaje nè
a essa venette 'o friddo e a me 'a freva uè...
Ah si putesse parlare cu tte
ah cu nisciuno sultanto cu tte...
'na canzone vulesse canta',
'ncap''o munno 'a facesse suna'...
Mo' se cocca lu sole e se fa' notte nè
ll'ora mo' vene de li mieie turmiente uè...
Esce la luna pe' me fa' dispietto nè
po' se ne trase quanno è mmezanotte uè...

 

Stannarrivanno
Hanno chiammato già
stann''arrivanno,
stanno venenno ccà, appriparat''e panne...
Stanno venenno ccà,
stann' arrivanno,
hanno chiammato già, appriparat''e panne....
Come terra leggera che cade tra le mie mani...
Come pioggia di acqua piovana che scende sui muri...
Come passo di donna che danza una sera d'estate...
Come semi di zucca distesi su un vecchio telaio...
E' così che mi sento... è così...
Nina mia che vuo' sape'...
E' sempe festa 'mpiett''a mme,
a primmavera tu 'o ssaje,
l'ammore nun me lassa maje...
Come terra leggera che cade tra le mie mani...
Come pioggia di acqua piovana che scende sui muri...
Come passo di donna che danza una sera d'estate...
Come semi di zucca distesi su un vecchio telaio...
E' così che mi sento... è così...

 

Il cammino
Ammore,ammore stamme cchiù vicino,
ca è ancora tanto luongo lu cammino...
Muntagne pe' muntagne a cammenare,
po' ce fermammo addò' accummencia 'o mare...
Cu ll'acqua de lu mare 'na cullana,
pe' sette vote sette annummenare
lu nomme de la stella cchiù lucente...
Cu ll'acqua de lu mare 'na cullana,
pe' sette vote sette annummenare
lu nomme de la stella cchiù lucente...
padrona de la vita 'e tutt''a gente...
Stammo saglienno 'ncielo
'ncopp''a 'na scala d'oro e argiento,
stammo cuntanno ll'ore,
e chisto è 'o tiempo e mò' fa' l'anno...
E cu 'na preta verde dint''e mmane
'nu cerchio dint''o tiempo a priparare,
si schiara juorno nuje calammo 'e rezze,
e l'acqua de lu mare aonna e cresce...
Si 'a luna s'annasconne pierde 'a ciorta,
'o tiempo ca t'aspetta è tutto stuorto...
Si 'nvece jesce 'o sole che ffurtuna
tanta salute dint''e teratùre...
Stammo saglienno 'ncielo
'ncopp''a 'na scala d'oro e argiento
stammo cuntanno ll'ore,
e chisto è 'o tiempo e mò' fa' l'anno...
Uh nennella mia è bella da lu père
e nun voglio ca nisciuno m''a ten' 'a mente...
Uh guagliò guagliò va' a li Vagni
e vattenne 'a sana' 'sta mala rogna...

 

Chi è devoto
E vene 'a notte d''a cchiù bella notte,
e te venimmo a truva'...
Comm''a lanterne p''a muntagna 'ncoppa
saglimmo a te saluta'...
Chi è devoto nun s'hadda scurda',
canta e sona, e haddà cammena'...
Chi è devoto se l'hadda 'mpara',
ca stu ffuoco nun hadda stuta'...
Nun serve luce dint''a notte scura,
nuje ce sapimm' arriva'...
Mamme, figliole, viecchie cu 'e criature,
e tutte 'nzieme a canta'...
Chi è devoto nun s'hadda scurda',
canta e sona, e haddà cammena'...
Chi è devoto se l'hadda 'mpara',
ca stu ffuoco nun hadda stuta'...
E ce stregnimmo sott''o cielo accussì,
e 'a voce toja è pure 'a voce mia,
e cchiù saglimmo e cchiù se sente 'e canta',
tutt''a fatica 'a cuollo se ne va'...
Si arape 'e porte nuje putimmo trasi',
Signora mia, oje Signora mia...
Cu 'a faccia 'nterra t''o venimmo a cerca',
'e figlie tuoje tu nun ll' he abbanduna'...
Tammurriata :
Tutt''e nuttate hammo cammenato
Mamma Schiavona bella,mamma tu pare...
Tutt''e nuttate hammo cammenato 'a Mamma
'e tutt''e mamme hammo truvato.
Chella ca spenza 'e ggrazie...
Maronna mia, guarda quanti stelle,
cchiù pass''o tiempo e cchiù se fanno belle...
Oi Maronna che bella Marò...
Oi Maronna che bella Marò...

 

Parole perdute
Tutt''e parole perdute mmiez''a via,
so' venut' a casa mia...
So' tutte stelle cadute mmiez''a gente,
una è d'oro e ll'ate nun so' niente...
E sto' aspettanno ca se ferm''o viento,
assettata sott' a 'na luce argiento...
Ogne parola è addeventata sciore,
chella d'oro è addeventata ammore...
Comme ll'acqua va', comme ll'acqua vene e va',
aspetto ca me ven' a truva'...
Comme ll'acqua va', comme ll'acqua vene e va'
aspetto ca me me ven' a piglia'...
Ammore aggio perduto,
ammore aggio truvato,
l'ammore ca pe' mme
s'è semp' annascunnuto,
ha sempe pazziato,
mo' s'è fermato ccà...
Comme ll'acqua va', comme ll'acqua vene e va',
l'ammore mò' me ven' a truva'...
Comme ll'acqua va', comme ll'acqua vene e va',
l'ammore mò' me ven' a piglia'...

 

Lanterna magica
Strumentale (violino, chitarra, whistle, contrabbasso)