Tarantella di Santa Lucia
strumentale (ciaramella, percussioni)
Nascette lu Messia
Nascette lu Messia
avenne puveriello
nu voia e n'aseniello
pe' vrasera.
'Nu ninno a 'sta manera
nascette 'e chistu juorno
pe' fa' dispietto e scuorno
a farfariello.
Ca chillu mariunciello
nce aveva già arraffate
e si nce avea pigliate,
ce arrusteva.
Si 'ntiempo nun veneva
da cielo lu guaglione
ca p'essere squarcione
se priggiaie.
Ce fà' venire a mente
la lummenosa stella
la bella 'rutticella
e li pasture.
'Nnanz'a Maria sgravata
pasture e pecurelle,
cu ciociole e nucelle
s'addenucchiarono.
E pure li tre Magge
dalla luntana terra
cu' traine e carriagge
se ne partettero.
C'appena ca vedettero
lu cielo allummenato
dicettero era nato
lu Messia.
Ma Erode re birbante
trasette già 'npaura
ca chella criatura
lo spriurava.
E San Giuseppe avette
da cielo lu cunziglio
e ne fui' lu figlio
tanno pe' tanno.
'Na vecchia fattucchiara
addetta a li fatture
ce rettero 'ncunzegna
'a criatura.
'Sti cose già se sanno
ma proprio 'e chistu juorno
nce volano ccà attuorno
a la memoria.
E mò nce resta voce
pe' ve cercà licenzia
pe' da' 'sta bona audienza
'a Santa notte.
Pastorale
(da A. Corelli : Concerto per la notte di Natale)
(due mandolini e orchestra d'archi)
Canzone di Razzullo
Quann'io nascette ninno 'a cuorpo a mamma,
a Napule nascette muorto 'e famma.
E muorto 'e famma nun appena nato,
mammella mia dicette : "E' nato un'altro sventurato".
E arravugliato rint'a 'na mappina me 'nfasciaje,
e dint'a nu spurtone 'sta nuvena me cantaie :
Nuvena, nuvena,mammella era prena
appriesso a 'nu figlio già n'ato ne vene.
Facette 'o primmo e nascette cecato
mò cerc''a lemmosena pe''mmiez''e strate.
Facette 'o sicondo chiammato Pascale,
ca sta carcerato a Puceriale,
e aroppo 'o cchiù bello 'o chiammaie Gennaro,
c''abbascio 'a Duchesca mò fa 'o ricuttaro.
E mò pe' cumpleto, sgravannose 'e chisto,
ha fatto un'altro povero Cristo.
Chiagnenno appena nato int'a 'stu lietto,
cercaie da mammélla 'a zizza 'mpietto.
Ma zuca che te zuca 'stu nennillo che te pesca?
Da chella zizza 'o latte era comma ll'acqua fresca!
Cchiù zuca ca te zuca e chillu pietto cchiù s'arrogna,
zucanno me 'mparaie a sunare la zampogna...
Nuvena, nuvena, Natale mò vene
ma cu 'sta nuvena cchiù famme me vene,
verenn''o magna' pe' chi tene 'e quattrine,
verennolo sulo adderet''e vvetrine,
e allora me cocco cu tutt''e calzine
e 'a notte me sonno ca nasce un bambino
che nasce 'e rimpetto a 'na bella cantina,
cu addore 'e suffritto, cu tre litr''e vino,
n'appesa 'e sacicce, nu bellu capone,
anguille ammescate cu lu capitone,
castagne r''o prevete, noce e nucelle,
'nzalata 'e rinforzo cu lu susamiello...
Ma senza renare,
'a nott''e Natale,
me fummo 'na pippa
e me vaco a cuccà...
Terzetto
Oh galantuomo!...
Oh amico!
Sarva,sarva!... (ch'auta storia è chesta?)
Forestiero!...
Passaggiero!...
E m'hanno puosto 'mmiezo... Sfurtunato!...
Vuoi tu farmi un piacere?...
Di grazia ascolta!...
Voss'orio, che buò da me?... Jate dicenno?
Sarà fortuna tua...
Sarà tua sorte...
Mancu male lu cielo me te manda!...
Io cacciatore sono!...
Io pescatore!...
Ah se tu vedessi!...
Ah se tu scorgessi!...
Ma c'aggia vedè,che vulite vuie da me?...
Dietro di quel cespuglio.
Presso di quella riva.
Stavvi un cinghiale ucciso.
Uno storione ho preso...
Aiutami a portarlo.
Soccorrimi a tirarlo.
E ti darò la parte.
E la metà ne avrai!
Aiutami a portarlo.
Soccorrimi a tirarlo.
E la metà ne avrai.
E la metà ne avrai.
Addò me sparto mò, mannaggia craie.
Seguimi.
Vieni meco!...
Ve servo a uno a uno!...
No,che perderl' io temo...
Pavento mi si rubi!...
Vurria venir cu vvuie, gnornò cu buie!
Dove meglio ti pare.
Dove più ti riesce!
Me tira cchiù la carne, ca lu pesce!...
Io ti voglio per me!...
Io per me ti bramo!...
Chiano ca me squartate!...
Io per me ti bramo!
Non vuoi tu della carne?
Gnorsì,gnorsì!...
Non vuoi tu del pesce?
Gnorsì,gnorsì!...
Vieni al dunque e non tardar a cacciare!
Vieni al dunque e non tardar a pescare!
Jammuncenne ca so' lesto, jammuncenne a lu magna'!
Ove te 'nvai?
Chi servo a chisto, a chillo?
Vuoi gir con quegli?...
O brami andar con lui?...
Vurria fa' lu piacere a tutt''e dduie!
Oh via va' pur con esso!...
Và, servi quel signore!...
Chiamerò chi mi aiuti...
Avrò chi mi soccorra!...
Io so' lesto co buie.Via che facimmo?...
Non disgustar Ruscellio...
Anzi servi Cidonio...
Chiste se fanno pure li cerimonie!...
Addio!...
Governati!...
Che brami?...
Che domandi?...
Io po' voglio servire a tutt''e dduie!
Ti perdesti la sorte.
La fortuna hai smarrita.
Uh mannaggia 'a sciorta mia
ca me manna chesta via!
Peste, famma e carestia,
quanno penzo a lu magna'!
Ti perdesti la sorte…
Jammo! Scioglimmolo sto 'mbruoglio!
Cu' isso chi me vò?
Io per me non ti voglio!...
Ah sciorta maleretta!
Me manne pe' disgrazia la furtuna,
e io non sapendo scegliere tra la caccia e il pescio,
cosa non posso far, ca me riescio?
Canzone del pescatore
(Che abbondanza di pesce!
Ai giorni miei mai tanti ne prendei,piene le reti,
ho pieni ancora i sandali, e le nasse,
e son piene le casse, ed hor che tanto
del pesce mi è venuto, trovar non posso
alcun per darmi aiuto)…
Vurria addeventare pesce d'oro,
dint''a lu mare me jesse a menàre.
(Vuoi farti pescatore?)…
Venesse 'o piscatore e me pescasse,
dint''a 'na chianelluccia me mettesse.
(Ma se talor tu vedi luccicar le lamprede
Intorno ai sassi, incontro a la corrente andar le trote,
trescar le lasche, ed isfuggir le anguille,
diresti,oh che contento,vedendo argenti vivi
in chiaro argento…)
Venesse nenna mia e me comprasse,
dint' a 'na tielluccia me friesse.
Me voglio fà 'na casa 'mmiez' 'o mare,
fravecata de penne de pavone,
ohi de pavone...
Canzone di Razzullo e Sarchiapone
Porta la veste rossa la quatrana.
Porta la veste rossa la quatrana,
e la quatrana ch'è bbona
a me piace d'a pazzià!
Quanno spusaje don Peppe
'o rre 'e tutt''e mappine,
s'appresentaieno subbeto
samente e samentine.
Venette 'nu rinaliello
ca faceva 'o cumpariello,
venettero 'e scupature
mmiez'a tutte 'sti signure.
Tre mazze 'e lava 'nterra
aunite cu mammme e figlie
cu quatto mazze 'e scopa
abballavano 'na quatriglia...
Porta la veste rossa la quatrana.
Porta la veste rossa la quatrana,
e la quatrana ch'è bbona
a me piace d'a pazzia'!
Chesta è 'a canzone d''o guarracino,
'a cantano 'e guappe 'e malandrine,
'o guarracino che jeva p''o mare,
jeva truvanno 'e se 'nzurare.
La truvaje 'na vavosa
ch'era vecchia e maleziosa,
se mettette for''o balcone,
e ce sunava lu calascione.
Currite, currite cumpagne,
mò t''o scassano 'stu tompagno,
e currettero 'e cicerenielle
chi cu 'a mazza e c''o curtiello,
e 'o guarracino ch'era cchiù guappo
a chillo punto nun se muvette,
se 'nciarmaie comm''a lione,
curtiello, pugnale, pistola e bastone.
Me ne jette liscio liscio
'o mare 'e copp'è tutto pisce
ce currevano a meliune
capeciefare e capitune.
I' 'o rancio ch'è mansueto
m''o truvaie sempe arreto
e chillo ca steva sempe de posta
ogne fermata faceva 'na botta.
E 'o sorice 'ncoppa 'a banca
ogni tanto fà ndinghe ndanghe,
e 'o pollece aret''e rine
me faceva arrecreà.
E zì Teresì e zì Teresella
nun songo de Napule e manco d'Avella
e manco 'e sicula 'a trainella,
ì' t''e veng''e fettucce janche
ì' t''e veng''e fettucce nere
e 'o lietto mietteme ddoi cannele.
Dint''o vicolo 'e Masaniello
sta 'nu masto scarpariello,
ca ce prore 'o mazzariello
quanno passo 'a part''e llà!
Porta la veste rossa la quatrana.
Porta la veste rossa la quatrana,
e la quatrana ch'è bbona
a me piace r'a pazzia'!...
Rosa d'argento e rosa d'amore
Quanno la Mamma parturì a 'stu figlio,
tutti li santi jetteno a cunziglio.
Tanno la luna e tanno lu viaggiare,
tanno lu figlio sull'onda del mare.
Bellu lu mare, bella la marina,
bella la luna quanno ce cammina.
Cunocchia d'oro, fronna de castagna,
viaggia la Mamma e lu mare l'accumpagna.
'Stu figlio mio è bello cchiù de tutti,
comm''a lu grano sopra l'auti frutti.
Li rose e li vviole nun so' asciute
e chistu figlio mio ni và vistute.
'Nfronte la stella e 'mmano lu fiore,
rosa d'argento e rosa d'amore...
Aria del cacciatore
Tra queste ombrose selve di spechi, di belve,
la faretrata dea ci chiama a l'ardir...
Già odi lo squillo, che belve minaccia,
già freme la caccia, già freme la caccia!...
Ma io che ne saccio, ma io che ne saccio,
me 'mparo la caccia si pozzo magna'!...
Già senti le selve d'augelli cantar!
All'acquisto di fama anch'io vò seguir!
Si è pe' la famma ce stongo pur'ì'!
Tra queste ombrose selve di spechi, di belve,
la faretrata dea ci chiama a l'ardir...
Si a tanto fracasso la caccia me 'ngrassa
a far lu smargiasso me voglio 'mpara'!... (Di Diana lo squillo senti già!)
Si' storto nun cagne, e ì' nun me sbaglio,
ce faccio battaglia po' acciro 'na quaglia
me faccio frattaglie, po' arrivan''e cagne
la vonno magnà. A caccia mangiata
risponno arraggiato cu sische cu saute
cu l'uocchie abbuttate pe' fà lu pignato,
e la supressata la voglio purzì...
Ci chiama a l'ardir!
A l'ardir! (purzì)...
'O ciaramellaro a Napule
Cumpà,mannaggia zieta! m'he sentuto?
Tre ore ca te cerco maccarone!
Appriesso a me, cu 'a mano 'int''o cazone :
me tasto e nun te trovo. Addò sì gghiuto?
Piglia 'na fune, avimm''a stà attaccate
comme a galline, anfino a che turnammo.
S'è fatto notte, sona, accumminciammo,
pecchè se sona sempe 'e 'sti gghiurnate.
Pe' li sunate
'mmiez''a li strate
simme chiammate
e accaparrate.
Sciosci''a zampogna
piede e melogna.
Meh,a ogna a ogna
ca n''è vriogna.
Miettete avante,
sona ccà 'nnante.
Falle pe' Sante,
nun me dà schiante.
'Sta 'Mmaculata
ca sta appicciata
vò 'na sunata,
ce 'avimm''a fà!
La sciorta ca 'ngrata
La sciorta ca 'ngrata
cuntraria me và,
se mostra spiatata
strellare me fà,
strellare me fà...
Bella donna,palla d'oro,
palummiello,speretillo
e riavolo pigliatillo
pe' lu surco và mò và!...
E la monaca vò lu ppane
e datele 'o ppane 'a monacà,
chi 'a 'mpana 'a ccà
chi 'a 'mpana 'a llà,
e datele 'o ppane 'a monacà!
E la monaca vò lu ccaso
e datele 'o ccaso 'a monacà,
chi 'a 'ncasa 'a ccà,
chi 'a 'ncasa 'a llà,
e datele 'o ccaso 'a monacà!
E la monaca vò lu pesce,
e date lu pesce 'a monacà,
chi 'a 'mpescia 'a ccà,
chi 'a 'mpescia 'a llà,
e date lu pesce 'a monacà!
E la monaca vò la pizza
e date la pizza 'a monacà,
chi 'a 'mpizza 'a ccà,
chi 'a 'mpizza 'a llà,
e date la pizza 'a monacà!...
S'aspetto ristoro,
m'accide e nun moro,
m'accide e nun moro,
se mostra spiatata,
strellare me fà,
strellare me fà!...
Bella donna, palla d'oro,
palummiello,speretillo
e riavolo pigliatillo
pe' lu surco và mò và!...
E la bella mia addò steva
'ncopp'a n'albero durmeva,
e chi le tuccava lu pere,
chella faceva "Uelà!Uelà!,
pere cu pere ca mò se ne vene,
naso cu naso ch'è rattacasa,
uocchie cu uocchie ca se scunocchia,
panza cu panza ch'è 'na valanza,
coscia cu coscia ch'è 'na brioscia
culo cu culo se romp''arciulo...
Magnammo amice miei e po' bevimmo,
fin quando nce stà uoglio a la lucerna!
Chissà si a l'auto munno nce vedimmo,
chissà si a l'auto munno c'è taverna!
Vedimmoncenne de la vita bene,
la morte è certa e primma o doppo vene!
Quanno nascette Ninno
Quanno nascette Ninno a Betlemme,
era notte e paréa miezojuorno...
Maie le stelle lustre e belle
se vedettero accussì,
e 'a cchiù lucente,
jette a chiammà li Magge all'Uriente...
Nun c'erano nemice pe la terra
la pecora pasceva c''o lione.
C''o crapetto se vedette
'o liupardo pazzià
l'urzo e 'o vetiello
e cu lu lupo 'mpace 'o pecuriello...