Sotto il velo del cielo
La terra gira da una parte e poi dall'altra,
sotto il velo del cielo,
come chi di notte non riesce a dormire,
perchè vuole capire...
Addò t'annascunne... si t'annascunne?...
addò t'annascunne... si t'annascunne?...
C'è una piega sottile nascosta nell'universo,
ai margini del mondo,
è una processione di anime dimenticate
che sussurrano tra le costellazioni :
Addò t'annascunne... si t'annascunne?...
addò t'annascunne... si t'annascunne?...
Sarrà 'sta musica che vene e se ne va, che vene e se ne va...
Sarrà chistu rummore ca nun può spiega', ca nun se po' spiega'...
Vulesse ca 'stu cielo s'arapesse,
pe' tutt''a gente ca nun tene niente...
Quando una luna cala, l'altra ricomincia,
ombra - luce, guerra - pace,
quando una luna cresce, l'altra svanisce,
acqua - fuoco, pieno - vuoto
Addò t'annascunne... si t'annascunne?...
addò t'annascunne... si t'annascunne?...
Sarrà 'sta musica che vene e se ne va,che vene e se ne va...
Sarrà chistu rummore ca nun può spiega',ca nun se po' spiega'...
Vulesse ca stu cielo s'arapesse
pe' tutt''a gente ca nun tene niente,
scennesse l'acqua santa pe' terre addò nun chiove
e frutta, miele, pane e vino nuovo.
Vulesse ca chiuvesse, chiuvesse maccarune,
li prete de la via caso rattato,
la muntagna 'e Somma fosse carne arrustuta,
e tutta l'acqua 'e mare vino annevato...

 

Terra
Addò sta 'sta terra mia?
Nun è assaje luntana nè vicina,
nun s'addà passa' 'a fruntiera
e attuorno nun tene cunfini...
Coro : Kyrie eleison
Addò va 'stu core mio?
Nun se ferma maje a 'na sola chiesa,
trase arint''a tutt''e case
e sta bbuono a ogne paese...
Vengo dall'Oriente vado in Occidente
gir''o munno sano - anima gitana - africana.
Song'albanese, palestinese, so' magrebino,
e dint''o sango tengo America Latina...
Strade nove, antiche,
strade 'e guerra,strade amiche...
Addò 'sta terra mia?
Strade addò cammino e sto sul'io,
strade sante chiene 'e gente,
strade scunusciute a Dio...
Arabo : (Sto con i mussulmani,
vado insieme ai cristiani,
ascolto i buddisti, perché prima di tutto
sono un essere umano,
un essere umano...)
Vengo dall'Oriente vado in Occidente
gir''o munno sano - anima gitana - africana.
Song'albanese, palestinese, so' magrebino,
e dint''o sango tengo america latina...
Sto cu 'e musulmani, 'mmiez''e cristiani,
sto a sentì 'e bramani pecché primma 'e tutto
so' 'n'essere umano, pecché primma 'e tutto
so' 'n'essere umano, so' 'n'essere umano.
So' pakistano, faccia 'e cubano,
ca quanno chiude ll'uocchie
abbraccia tutt''e continenti.
Stongo in Occidente mo' me ne torno a Oriente...
Son' 'o risveglio chi dorme e chi veglia
chi fa 'nfamità...

 

Pesce d' 'o mare
E vulesse addeventare pesce d''o mare
e vulesse addeventare pesce d''o mare
e venesse 'o piscatore e me piscasse
e dint''a 'na chianelluccia me nce mettesse...
E vulesse addeventare pesce d''o mare
e vulesse addeventare pesce d''o mare
e venesse nenna mia e m'accattasse
e dint''a 'na tielluccia me nce friesse...
E vulesse addeventare pesce d''o mare
e vulesse addeventare pesce d''o mare
nun me 'mporta doppo ca me muzzecasse
si arint'a chillu core me ne trasesse...
Strad' 'e curallo,
lastre fatt''e sale,
perle dint' all'acqua
so' lacreme 'e mare.
Navi affunnate,
varche senz''e vele,
isole deserte
sott'a 'n'atu cielo.
E nuje sunnamm''o mare,
partì e gghì luntano,
addò nun fa’ rummore
niente, manco 'stu core.
Magia 'e 'na notte senz''e stelle,
c' 'o vient''e mare 'ncopp''a pelle e nun...
N'avè paura, avè paura...
Spiagge d''o tiempo,
se cunfond''a mente,
more 'nu penziero
e tu sulo 'o siente...
E vulesse addeventare pesce d''o mare
e vulesse addeventare pesce d''o mare
e venesse 'o piscatore e me piscasse
e dint''a 'na chianelluccia me 'nce mettesse...
E vulesse addeventare pesce d''o mare...

 

Senza parlà
Se ne va vierno, e chiano vene fora,
s'affaccia 'int''o ciardino la stagione nova...
Ma 'o tiempo passa e primmavera vola,
te guard'attuorno e si' rimasta sola...
Senza cchiù pute' sunna',
senza chhiù pute' parla'...
Si 'sta fantasia m'haddà turna',
'sta canzone aggi''a canta'...
Mo' che 'o ciardino è addeventato scuro,
turnato è vierno e 'o friddo dint''e mmura...
E 'stu turmiento, ca maje te lassa,
te siente triste e 'o tiempo passa...
Senza cchiù putè sunna',
senza cchiù putè parla'...
Si 'sta fantasia m'haddà turna',
'sta canzone aggi''a canta'...

 

Tarantella del Gargano
'Na donni, a lu spuntà lu sole aje visto 'na donni,
putenzia delli dii, putenzia delli dii,
putenzia delli dii quann'era granni...
Quann'era granni putenzia delli dii quann'era granni
et l'aveva capelli ricci et faccia tonni,
janca come la neve, janca come la neve,
janca come la neve a la muntagna.
Come la neve a la muntagna,
janca come la neve a la muntagna,
Dio facitela avè 'sta giovani bella,
tinè me vularria alli soi cumandi belli.
Vojè belli a servì li munacelli,
e si monaca ti fai, isso eremita si farrà...
E si monaca te fai, isso eremita si farrà,
e tu diciarraje la messa et isso la sirvirà.
Vojè belli cchiù lucenti so' li stelle,
'e quante n'aje amate tu mi pari la cchiù bella...

 

Solo parole
'A 'nzalatella 'mmescatella,
e comme diavolo sape bbella,
e ce sta 'a fronna rossa,
e ce sta 'a fronna nera,
fronne 'e tutt''e manère.
Hanno lassato 'e figli 'a casa,
e so' partute e nun so' turnate,
ma arinto è semp''o stesso,
'a vita nun tene prezzo,
e po' nun te dà riesto...
Pecché pecché,
sulo parole, pecché?
E 'a gente more, pecché?
Senza sape'.
Pecché pecché,
ce annascunnimm''o bbene,
e ogne juorno addeventa sera?
Ma comme diavolo sape bbella?
'a 'nzalatella 'mmescatella,
e ce sta 'a fronna janca,
se magna a tutte quante,
e nun se fa crianza
E tutt'allerta e tutt'annure,
e zitti 'nnanz'a 'sti criature,
cu 'e facce senza tiempo,
stanno aspettanno 'o juorno,
ca cagna chistu scuorno...
Pecché pecché,
sulo parole, pecché?
E 'a gente more, pecché?
Senza sape'...
Pecché pecché,
ce annascunnimm''o bbene,
e ogne ghiuorno addeventa sera?...
(Fronna) : Fronne 'e limone
'a strage 'e 'sti 'nnuciente
se fa cu 'sti capune...
Ca n'hanno a meliune scapezzate,
garufaniè...
Pecché pecché,
sulo parole, pecché?
E 'a gente more, pecché?
Senza sape'...
Pecché pecché,
nce annascunnimm''o bbene,
e ogne ghiuorno addeventa sera?...
'A 'nzalatella 'mmescatella...

 

Voccuccia de no pierzeco
Voccuccia de 'no pierzeco apreturo
mussillo de 'na fica lattarola...
S'io t'aggio sola dint'a chist'uorto,
'nce resto muorto,
si tutte 'sti cerase nun te furo.
Tanto m'affacciarraggio da 'sti mura
finché me dice intra nella scola...
S'io t'aggio sola dint'a chist'uorto,
nce resto muorto,
si tutte 'sti cerase nun te furo...
E si nce saglio 'ncoppa de 'sta noce,
tutta la scogno pe' 'sta santa croce.
Ahimé ca coce, te farraggio dire
et resentire te putarraje,
ma nun auzà la voce...

 

Iammuncenne guagliù
Iammuncenne guagliu', primma ca se fa notte,
iammo, iammo, ia'
Iammuncenne guagliu', pure cu 'e scarpe rotte,
ce putimmo arriva'.
Iammuncenne guagliu', cu 'o core 'int''e cazette,
iammo guagliu'
Iammuncenne guagliu', e si sparano 'e botte,
nun ce levammo 'a sotto...
Ce scurdammo 'e chi po' ce fa fessi e cuntenti,
cu 'sta musica.
Pe' campa' t'arrevuoglie cu mille penziere,
speranno ca ogge è meglio d'ajere.
E cantammo e sunammo pe' campa',
mentre 'a vita dint''e note se ne va...
Quant'allucche e quanta notti hanna passa',
quanti terre hamma vede',
quanta gente ancora avimmo fa canta'...
Iammuncenne guagliu',
'stu tiempo nun ce fotte,
iammo, iammo, ia'
Iammuncenne guagliu', si hanno 'nzerrata 'a porta,
'o stesso hamma passa'
Iammuncenne guagliu', tenimmo a chi ce aspetta,
iammo guagliu'
Iammuncenne guagliu', cu 'a musica 'int' all'uocchie
nce hanna vedè turna'.
Ce scurdammo 'e chi po' ce fa fessi e cuntenti,
cu 'sta musica
Pe' campà t'arrevuoglie cu mille penziere,
speranno ca ogge è meglio d'ajere...
E cantammo e sunammo pe' campa',
mentre 'a vita dint''e note se ne va.
Quant'allucche e quanta notti hanna passa',
quanti terre hamma vede',
quanta gente ancora avimmo fa canta'...

 

Sole nel cielo basso
strumentale (mandoloncello, lira pontiaca, violino, mandolino, chitarra battente, chitarra acustica,
tammorra, djembè, bodhran, whistle, fisarmonica, basso acustico).

 

Cammenanno
Luna ianca luna nova,
addò va 'sta vita mia,
ca s'è sperza 'mmiez''a via.
Vient''e mare vocca 'e sale,
cammenanno cammenanno,
dint''all'ombra aspett''o sole.
Ah, si tu overo te chiamm''ammore,
viene e spaccame 'stu core,
'mmiezo ce faje 'na strada,
addò nce addà passa'
tutto 'o tuosseco e 'o vveleno.
Sciuogliammella chesta catena,
si tu overo sì l'ammore
spaccame 'stu core.
Luna chiena luna stanca,
cielo ca nun sape 'e niente,
pe' chi 'a notte sta scuntento,
e s''a piglia cu 'stu tiempo,
ca s'arrobba tutt''a vita
fino all'urdemo mumento.
Ah, si tu overo te chiamm''ammore,
viene e spaccame 'stu core,
'mmiezo ce faje 'na strada,
addò nce addà passa'
tutto 'o tuosseco e 'o vveleno.
Sciuogliammella chesta catena,
si tu overo sì l'ammore
spaccame 'stu core...

 

Festa d' 'o sole
Acqua, viento, friddo, maletiempo
nun è cchiù 'o mumento pe' sentì chisti lamiente.
Lampe e tuone nun l'aspetta cchiù nisciuno,
chianu chiano s'alluntana 'a tramuntana,
è festa oinè... è festa oinè.
E' arrivata chest'ata stagione,
e se sente pure dint''e canzoni,
'mmiez''e piazze for''e balcune,
'o sole, 'o sole...'o so'
Scoppia 'a natura e 'o grano s'ammatura,
s'appicciano 'e ciardine cu miliune 'e sciure,
'a muntagna s'è scetata,
e tutt''a campagna è verde e profumata
e fresca oinè... e fresca oinè.
Terra santa, terra bruna,
cadono 'e stelle e attuorno gira 'a luna,
terra generosa ca ce dà ogne cosa
e 'o seme ce dà 'a frutta,
e 'a gemma ce dà 'a rosa,
rosa, rosa... ro'
Viene viene 'a festa d''o sole
primma ca passa l'aurora,
quanno sient'addore 'e mare
scinne 'mmiez''a via...
Viene viene 'a festa d''o sole
lassa tutt''e cose amare,
no nun servono 'e parole,
pecchè sta 'na Cumpagnia ca sona,
sona, sona... so' ...
E' tempo di andare e ritornare,
per non fermarsi nemmeno cent'anni di più.
E poi ripartire vagando, planando,
senza sparire mai.
Senza sparire...
Acqua doce benedici 'sta surgente,
ca quanno se scioglie 'a neve scorre ogne mumento,
pe' tutt''a gente... e tutt''a gente... e tutt''a gente
tutt''a gente... vene a bevere a 'sta fonte,
vene a bevere a 'sta fonte.
E 'mmiez''e campe cresce l'erba bbona
ca sana 'a vita e ca fa bbene 'o core,
fino arint''e case puo' sentì 'o sapore...
E 'a fronna se fa 'e fuoco,
e 'o ffuoco saglie 'ncielo,
'o cielo, 'o cielo...
Viene viene 'a festa d''o sole
primma ca passa l'aurora,
quanno sient'addore 'e mare
scinne 'mmiez''a via...
Viene viene 'a festa d''o sole
lassa tutt''e cose amare,
no nun servono 'e parole,
pecchè sta 'na Cumpagnia ca sona,
sona, sona... so'
E' tempo di andare e ritornare,
per non fermarsi nemmeno cent'anni di più.
E poi ripartire vagando, planando,
senza sparire mai,
senza sparire mai.
Viene viene 'a festa d''o sole
primma ca passa l'aurora
quanno sient'addore 'e mare
scinne 'mmiez''a via.
Viene viene 'a festa d''o sole
lassa tutt''e cose amare,
no nun servono 'e parole,
pecchè sta 'na Cumpagnia ca sona,
sona, sona... so'

 

Ninna nanna
'O ssaje ca chistu munno è stato fatto a poco a poco,
e ca forze 'na vota nun ce steva manco 'o cielo.
'O viento ll'acqua e 'o ffuoco era 'na cosa sola,
e 'mmiez''a 'sta ammuina ascette" 'na matina ".
'O ssaje ca 'int''a 'na notte se so' appicciate 'e stelle?
e 'a sotto a tutt''o mare ce spuntaje 'nu sciore.
Po' chello ca è succieso t''o vulesse spiega',
ma sta 'na verità ca io nun t''a saccio ancora raccunta'.
Mò s'è fatto scuro e tu te sì addurmuto,
dimmane te vulesse fa vula'.
Pe' lassa' 'sta terra ca me fà paura,
e i' so' cuntenta 'o stesso,
si pure nun staje cchiù vicino a me...
Nonnaooo - nunnarè - ninnaooo -
oh nonnaooo - nunnarè...
'O ssaje ca chistu munno se cunzuma a poco a poco,
comme a poco a poco chesta vita se ne và.
Ma i' credo ca ognuno, ca cerca 'a libbertà,
già sape c'addeventa 'na pont''e stella 'int''a 'st'immensità.
Mò s'è fatto scuro e tu te sì addurmuto,
dimmane saccio ca nun puo' vula'...
Pe' lassà 'sta terra ca nun fà cchiù paura,
e i' so' cuntenta 'o stesso,
pecchè tu rieste ccà vicino a mme...
Nonnaooo - ah nunnarè - ah ninnaooo -
ah nunnarè...