Alla Montemaranese
Ah na nà nun avimmo comme fa',
e s'è rotta la ciaramella nce mettimmo la semmenzella,
e s'è rotto lu clarino nce mettimmo la puntina,
e 'a jatta de zì prevete ha fatto tre mucille,
e l'ha fatte curiuse n'uocchio apierto e n'ato 'nchiuso...
E n'avimmo comme fa',
ì' nun bevo mai vino a lu barile la matina,
ì' nun magno mai pane sette forme la settimana,
e muglierema dint''o litto e nun 'a pozzo cchiù tucca',
e 'a jatta de zì prevete ha fatto tre mucille,
e l'ha fatte curiuse n'uocchio apierto e n'ato 'nchiuso...
Nun vulimmo fatica', nun vulimmo fatica'.
Ah cumpa' zì 'ntònio ha fatto 'a fessaria,
ha pigliata 'a guagliuncella e l'ha purtata 'a massaria.
Ah cumpa' zì ntònio 'o mazzamauriello,
ha pigliat''o guagliunciello e uè l'ha fatt''o serviziello.
E si soreta è cchiù bellella lasso a te e piglio a ella.
Nun vulimmo fatica', nun vulimmo fatica'.
E 'o riavulo schizzicheia e 'o 'nnammurato s'arrecrea,
E 'a vecchia quanno è vecchia s'arruvina la cufecchia,
e 'o viecchio quanno è vecchio s'arruvina lu cupierchio,
ì' vulevo nu vasillo e nun me l'hè vuluto da'...
Si te credisse
Si te credisse dareme martiello
e c'haggia felatiello,
ca faie la grande e me ne 'ncricche lu naso,
va' figlia mia ca marzo te n'ha raso.
Passaje lu tiempo ca Berta filava
e ca l'auciello arava,
e cchiù nun sento Ammore ca me chiamma,
sculata è Patria mò nun c'è cchiù mamma.
Và c'hanno apierto ll'uocchie li gattille,
so' scetate li grille,
si nun ce sta speranza a sti bellizze
và spiezzate lu pere quanno 'mpizze.
E haggio puosto la mola de lu sinno
né cchù me movo a zinno,
e già cunosco da la fica l'aglio
a 'stu curtiello tuojo cchiù nun me taglio.
La santa allegrezza
Nuje cantammo la santa allegrezza
Maria bellezza maggiore ce dà.
Se l'è 'ncarnato il Verbo di Dio
lasciando a Maria la verginità.
Cosa importante, cosa importante
lu Patre lu Figlio e lo Spirito Santo.
Quanno tu gravida fuste Regina,
lu cielo de stelle faciste stupire,
quanno l'intese Giuseppe devoto
cercava 'nu luogo per partorire.
Cosa nce prega, cosa nce prega
Giuseppe e Maria ce cercan la fede.
E San Giuseppe patriarco supremo
pe' darce lu fieno ne apre la mano,
e se nun era la mano di Dio
lo cielo sereno pe' letto ne avria.
Dove reposa, dove reposa
è la bellezza de tutte le cose.
Quanno in viaggio la coppia si mise
n'angelo scende dal gran Paradiso
p'accumpagnarcelo passo pe' passo,
e per difenderla da Satanasso.
Verbo di Dio Verbo di Dio
quanno in viaggio si mise Maria.
Ma gran pericolo deve passare
la Vergine bella del cielo e del mare
e se un serpente il piede l'arresta
la Verginella ci schiaccia la testa,
luce la strata, luce la strata
dodici stelle Maria è 'ncurunata.
Po' nel cammino per farla passare
s'aprono pure le onde del mare,
cantano tutte le acque del mondo,
per questa vergine bella e gioconda...
Luce divina, luce divina
quanno Maria sopra all'acqua cammina.
E San Giuseppe dal giglio d'argento
và con la sposa nel freddo e nel vento,
e quando il vento si sente cchiù forte
bussa Giuseppe a tutte li porte.
Fa' l'addimanda, fa' l'addimanda
ma nun c'è posto a chesta locanda.
Soffre Maria e la mano ce tremma
quanno n'arrivano a Betlemme,
per questa coppia che il freddo l'agghiaccia
tutti ci chiudono la porta 'nfaccia.
'Mmiezo a la via, 'mmiezo a la via
nasce il mistero del Verbo di Dio.
E in mezzo al cielo Maria tutta pura
e sotto i piedi ci spunta la luna
Vergine bella che andasti e venisti
pe' gghire truvanno la croce de Cristo,
per redenzione,per redenzione
e dell'umana generazione...
Moresca d'Orlando
O Lucia miau miau
tu nun gabbi cchiù a me
sienta sienta matunata.
O mussuta licca pignata cula cacata
chi è chista billinazza come gatta chiama me
Giorgia tua sfortunata che vol tanto bene a te...
Ia ti prega cula mia lassa passar bizzarria
ca ia statua marmorata perchè l'autra tu trovata
che non vole bene a te,che non vole bene a te...
O Lucia, susa da lietta non dormire,
sienta Giorgia bella cantare, sienta Giorgia bella cantare,
con zampogna e tamborrina con zampogna e tamborrina,
per voler per voler far cantarata
per voler per voler far cantarata
O Lucia 'nzuccarata perchè pur stai corruzzata
miau miau gatta malata
Và cucina licca pignata, cula cacata,
sienta sienta matunata, sienta sienta matunata
Giorgia tua vol cantata
che vol tanto bene a te
che vol tanto bene a te...
Tu sai che la cornacchia
Tu sai che la cornacchia ha chest'ausanza :
ca quando canta sempre dice crai.
Crai crai crai crai crai crai
tu perzì accusì me fai,
tu perzì accusì me fai donna,donna scortese
che dai belli parole e tristi attese...
Auciello ca prumitt'a la speranza
e le promesse sue nun tene mai
Crai crai crai crai crai crai
tu perzì accusì me fai,
tu perzì accusì me fai donna,donna scortese
che dai belli parole e tristi attese...
Tu sì madonna a questa simiglianza,
sempre me dice aspecta ch'avarrai...
Crai crai crai crai crai crai
tu perzì accusì me fai,
tu perzì accusì me fai donna,donna scortese
che dai belli parole e tristi attese...
Sai comme disse Pinta a Carmosina :
"Megli'hoggi l'ovo che crai la gallina"...
Crai crai crai crai crai crai
tu perzì accusì me fai,
tu perzì accusì me fai donna,donna scortese
che dai belli parole e tristi attese...
Trapenarella
Trapenarella c''o trapenature
trapena 'a mamma e 'a figlia pure,
e trapenianno 'mmiezo a 'sti guaie
canto 'a canzone d''a cuccuvaia.
'Na signurina cammina p''a strada
'nu giuvinotto lle fa 'na guardata
e chella ch'è subito femmena onesta,
areto 'o purtone s'aiza 'a vesta.
San Genna' pienzace tu
ca tanto d''e corna nun se campa cchiù.
'Nu prevete 'ncoppa all'altare maggiore
te pare 'nu santo predecatore
ma quanno va rinto 'a sacrestia,
vo' mille lire p'a Avummaria...
San Gennà tu vide a chiste
'mbrogliano pure a Gesù Cristo.
Nuce, nucelle, castagne 'nfurnate
quante paise aggio curriato,
'a Torre d''o Grieco e a Nunziata
e quante guaie aggio truvato
e quante difiette c'aggio cantato...
'E cul'a mappata so' è veneziane,
'e magnapolenta songo 'e Milano,
'e meglie cantante stanno a Giugliano,
'e tirapistole stanno a Casale.
'E facce toste songo italiane,
'e cchiù mafiuse so' siciliane,
e po' 'e sbruffune songhe 'e Rumane,
'e femmene belle so' napulitane,
'e mazz''e scopa so' americane.
'E mbruogliamestiere so' ll'ingegnere,
'e 'mbruogliamalate so' ll'avvocate
'e prievete fann' 'e zucalanterne,
'e cchiù mariuole stann''o guverno.
San Gennà dice ca sì,
chi 'o ssape comme va' a ffernì.
'Na signurina a via Dei Mille
s'ha miso 'a parrucca 'a copp''e capille,
quanno va 'a casa se magna 'e purpette,
e chi teme famme guarda 'e rimpette.
'Nu giuvinotto cu 'e sorde d''o pato
s'accatta 'o cazone 'mpusunato,
po' va dint''a machina allero allero,
e vò mena' sotto a chi va a ppere.
E cunuscite a 'sti "milorde"
e chille stanno 'nguaiate 'e sorde,
'e pate so' tanti scurnacchiate,
e campano 'ncopp''a famme 'e ll'ate.
San Gennà pienzace tu
ca tanto d''e 'mbruoglie nun se campa cchiù.
Me ne vaco pe' sotto 'o muro
e sento addore d''e maccarune.
Me ne vaco pe' Qualiano
e sento addore d''e patane.
Me ne vaco p''o Ranatiello
e sento addore d''e friarielle.
Ma si vaco add''o putecaro
tutte cose và cchiù caro
ma verite quanno maie
'sta miseria va aumentanno
e aumenta ogge e aumenta dimane
e doppodimane
sabbato sì e dummeneca no,
chi fatica se more 'e famme,
'na vota ca sì e 'na vota ca no,
chi fatica se more 'e famme,
'na vota ca sì e 'na vota ca no...
Rancio e mosca
Esce lu rancio dalla ranceria
pe' se mangià la mosca malandrina
rancio e mosca e fuje madama ca mammeta sosca
sempe lu rancio va appriesso alla mosca
Esce il topo dalla toperia,
pe' se mangià il rancio malandrino
topo, rancio e mosca e fuje madama ca mammeta sosca
sempe lu rancio va appriesso alla mosca
Esce la zoccola dalla zoccoleria
pe' se mangiare il topo malandrino,
zoccola, topo, rancio e mosca e fuje madama ca mammeta sosca
sempe lu rancio va appriesso alla mosca.
Ed esce il gatto dalla gatteria
pe' se mangià la zoccola malandrina
gatto, zoccola, topo, rancio e mosca e fuje madama ca mammeta sosca
sempe lu rancio va appriesso alla mosca.
Esce il cane dalla caneria,
pe' se mangiare il gatto malandrino,
cane, gatto, zoccola, topo, rancio e mosca e fuje madama ca mammeta sosca
sempe lu rancio va appriesso alla mosca
Esce il ciuccio dalla ciucceria
pe' se mangiare il cane malandrino
ciuccio, cane, gatto, zoccola, topo, rancio e mosca e fuje madama ca mammeta sosca,
sempe lu rancio va appriesso alla mosca.
Esce il cavallo dalla cavalleria,
pe' se mangiare il ciuccio malandrino
cavallo, ciuccio, cane, gatto, zoccola, topo, rancio e mosca e fuje madama ca mammeta sosca
sempe lu rancio va appriesso alla mosca.
Ed esce il porco dalla porcheria
pe' se mangià il cavallo malandrino
puorco, cavallo, ciuccio, cane, gatto, zoccola, topo, rancio e mosca e fuje madama ca mammeta sosca,
sempe lu rancio va appriesso alla mosca.
Esce il voia dalla voieria,
pe' se mangiare il porco malandrino
voia, puorco, cavallo, ciuccio, cane, gatto, zoccola, topo, rancio e mosca e fuje madama ca mammeta sosca,
sempe lu rancio va appriesso alla mosca.
Esce la tigre dalla tigreria
pe' se mangiare il voia malandrino
tigre, voia, puorco, cavallo, ciuccio, cane, gatto, zoccola, topo, rancio e mosca e fuje madama ca mammeta sosca,
sempe lu rancio va appriesso alla mosca.
Esce il lione dalla lioneria,
pe' se mangià la tigre malandrina
lione, tigre, voia, puorco, cavallo, ciuccio, cane, gatto, zoccola, topo, rancio e mosca e fuje madama ca mammeta sosca
sempe lu rancio va appriesso alla mosca.
Ué femmene femmene
Fronne :
Uè femmene fè,
'e voglio bene 'e femmene
uè chelle ca me dann''o ddoce
m''o dann''o ddoce bellu carnale...
Uè chelle ca nun me danno niente,
e lasso a perdere e me ne vaco...
E 'nzorate e 'nzò,
ih e 'nzorate 'o passa guaje...
Apprimma t''o pigli''o ddoce,
appriesso 'o doce te pigli' 'amaro...
E p''o vero lietto,
uè m''a facesse 'na caputata,
uè bella pe' dint''o lietto,
cu 'na nennella 'e quinneci anni...
E sì belle 'e viso,
'a festa 'o Carmene me parive,
oinè che paraviso
e che paraviso
te faccio vedè 'o campanaro
cu tutto allummato...
Tammurriata :
Auciello e quant'è aveto 'stu palazzo,
e comme songo ariose 'sti ddoie feneste...
Ce sta 'na nenna ca sempe s'affaccia nè,
e m'arraqua li garuofane cu tutt''e teste...
I' ce dicette menamminne uno,
uh chella me ne menaje 'nu mazzo 'a sette...
E' juto ricenno ca nun m'he vuluto,
uè pecchè nun dici ca t'aggio lassato.
Mammeta m'ha chiammato schiavuttella nè,
uè i' schiavuttella ì' songo re natura.
Mammeta m'ha prummiso e ì' te voglio,
uè cu dote o senza dote ì' me te piglio...
E si nce stai vestuto mò te spoglio nè,
e comme t'ha fatto mammeta ì' me te piglio...
Tarantella di Montemarano
strumentale (clarinetto, fisarmonica, tamburello)